Selfossflugvöllur er einkaflugvöllur í eigu Flugklúbbs Selfoss og er opinn allan sólarhringinn fyrir almenna flugumferð í samræmi við reglur sem þar um gilda. Völlurinn var byggður upp af félögum flugklúbbsins og er rekinn af Flugklúbbi Selfoss en Flugmálastjórn Íslands og síðar Isavia hafa lagt fé í uppbyggingu, viðhald og rekstur hans. Flugstöð við völlinn er í eigu Flugklúbbs Selfoss og Isavia.  Flugskýli á flugvallarsvæðinu eru 5 og hýsa núna 13-15 flugvélar sem eru í eigu félaga í Flugklúbbi Selfoss. Flugvöllurinn er vinsæll viðkomustaður einkaflugmanna og er einnig mikið notaður í tengslum við leigu- og sjúkraflug af ýmsu tagi.

Flugmenn eru beðnir um að virða þær reglur sem gilda um notkun flugvallarins og er sérstaklega bent á reglur um snertilendingar sem eru settar til að lágmarka hljóðmengun vegna flugumferðar.
Reglur um flugumferð er að finna hér neðar.

Braut 05: Vinstri umferðarhringur
Flugtak: Klifra á brautarstefnu að hringtorgi norðan Ölfusár eða í 1000 fet hvort sem kemur fyrr, áður en beygt er á þvervind (x-wind).
Flugmenn sem ætla að fljúga til austurs eftir flugtak skulu klifra í 1000 fet áður en flogið er yfir Selfossbæ en alla jafna skal takmarka óþarfa flug yfir byggð og þéttbýliskjarna.
Lending: Halda skal 1000 fetum þar til þvert af þröskuldi, þá hefja aðflugslækkun og beygja á þverlegg norðan við veg að Sandvík (bær á lokastefnu 05).

Braut 23: Hægri umferðarhringur
Flugtak: Klifra og sneyða framhjá Sandvíkurbænum í 1000 fetum áður en beygt er undan vindi.
Lending: Halda 1000 fetum þar til þvert af hringtorgi norður af Ölfusá, beygja þar á þverlegg og hefja aðflugslækkun.

Braut 14: Hægri umferðarhringur
Loftför skulu hafa náð 1000 fetum áður en þau beygja undan vindi.

Braut 32: Vinstri umferðarhringur
Loftför skulu hafa náð 1000 fetum áður en þau beygja undan vindi.

Tölulegar upplýsingar
Staðsetning: 63° 55′ 45”N
021° 02′ 16”W (63.92916667,-21.03777778)
Hæð: 45 fet ys
Tíðni: 118.1 Mhz
NDB stefnuviti: SE397

Eldsneyti

Avgas 100LL
Þjónusta: Flugklúbbur Selfoss, hafið samband við stjórn.

Veðurupplýsingar:  sjá forsíðu

Reglur Sveitarfélagsins Árborgar um takmarkanir við flugumferð um Selfossflugvöll

1. gr.
Næturtakmarkanir: Á milli 23:00 og 07:00 eru flugtök bönnuð. Heimilt er að víkja frá þessu í neyðartilvikum og skal það skráð sérstaklega.
2. gr.
Takmarkanir á snertilendingum: Snertilendingar eru einungis leyfðar virka daga frá 07:00 til 18:00.
3. gr.
Reglur þessar eru settar skv. 9. gr. reglugerðar um hávaða nr. 933/1999, sbr. 5. gr. reglugerðar nr. 478/2003 og öðlast gildi þegar í stað.

Samþykkt í bæjarráði Árborgar 15. nóvember 2007.

Leigubílar á Selfossi:
Leigubílar Suðurlands  sími: 482 3800